अखबार नेपाल ट्रेन्डिङ

काठमाडौं: एएफसी यू-१७ महिला एसियन कप छनोटको दोस्रो खेलमा नेपालले आज प्रिन्स मोहमद स्टेडियममा आयोजक जोर्डनको सामना गर्दैछ । यी दुईबीचको खेल साँझ ६:४५ बजे सुरु हुनेछ ।

नेपाल आज जोर्डनलाई हराएर पहिलो जित निकाल्न चाहन्छ । छनोटको दोस्रो चरणमा पुग्न नेपाललाई जितको विकल्प छैन । जोर्डन पनि नेपाललाई हराएर सुखद सुरुआत गर्न चाहन्छ ।

समूह ‘एच’ मा रहेको नेपालले पहिलो खेलमा हार व्यहोरेको थियो । बुधबार भएको खेलमा नेपाल इरानसँग १-० गोल अन्तरले पराजित भएको थियो । यस समूहमा नेपाल,  जोर्डन र इरान रहेको छ । समूह विजेताले छनोटको दोस्रो चरणमा स्थान बनाउने छन् ।