अखबार नेपाल ट्रेन्डिङ

काठमाडौं: नेपाली राष्ट्रिय फुटबल टिमका मुख्य प्रशिक्षक भिनसेन्जो अल्बर्टो उनेसले आगामी जुन-जुलाईमा हुने साफ च्याम्पियनसिपलाई मध्यनजर राख्दै राष्ट्रिय टिमलाई रणनीतिक प्रशिक्षण गराउने भएका छन् ।

अखिल नेपाल फुटबल संघ एन्फाका अनुसार रणनीतिक प्रशिक्षण आउने शुक्रबार दशरथ रंगशालामा हुनेछ । हाल शहीद स्मारक ए डिभिजन लिग जारी रहेकोले प्रशिक्षक एनेसले खेलाडीहरुलाई फरक किसिमले प्रशिक्षण दिन लागेका हुन् ।

एनेसले ट्याक्टिकल ट्रेनिङका लागि २६ खेलाडी बोलाएको एन्फाले जनाएको छ । केही दिनअघि सम्पन्न प्रधानमन्त्री कप थ्री नेसन्स कप खेलेको टिममा केही परिवर्तन भएको छ । कप्तान तथा गोलकिपर किरणकुमार लिम्बु र डिफेण्डर रोहित चन्दले विदेशी लिग खेल्न देश बाहिर छन् ।

यस्तै भरत खवास, सुमित श्रेष्ठ र पदम भट्टराईलाई टिममा राखिएको छ । एनेसले थ्री नेसन्सका लागि टिममा नरहेकाहरु जावलाखेलका गोलकिपर अनिस देउला, मनाङ मर्स्याङ्दीका डिफेण्डर आशिष गुरुङ, मछिन्द्र एफसीका डिफेण्डरद्वय छिरिङ गुरुङ र देवेन्द्र तामाङ, त्रिभुवन आर्मी एफसीका मिडफिल्डर सेसेहाङ आङदम्बे र परवार्ड जिलेस्पीजंग कार्की, थ्रीस्टारका मिडफिल्डर दिपेश गुरुङ र मछिन्द्रका फरवार्ड विमल घर्ती मगरलाई रणनीतिक प्रशिक्षणमा बोलाएका छन् ।

रणनीतिक प्रशिक्षणमा बोलाईएका खेलाडीहरुः

गोलकिपरः अनिश देउला, दीप कार्की, अभिषेक बराल

डिफेन्डरः सनिश श्रेष्ठ, विकास खवास, अनन्त तामाङ, छिरिङ गुरुङ, देवेन्द्र तामाङ, आदित्य चौधरी, निशान्त खड्का, आशिष गुरुङ

मिडफिल्डरः पुजन उपरकोटी, एरिक विष्ट, नवीन लामा, कमल थापा, मणिकुमार लामा, सेसेहाङ आङ्देम्बे, दिपेश गुरुङ

फरवार्डः आयुष घलान, नवयुग श्रेष्ठ, दिपकराज सिंह ठकुरी, अन्जन विष्ट, मनिष डाँगी, आशिष चौधरी, विमल घर्ती मगर, जिलेस्पी जंग कार्की