अखबार नेपाल ट्रेन्डिङ

एजेन्सी: स्पेनिस कोपा डेल रेको सेमिफाइनलको पहिलो लेगमा ‘एल क्लासिको’ भिडन्तमा बार्सिलोनाले रियलमाथि १–० को जित दर्ता गरेको छ ।

खेलको २६औं मिनेटमा एडर मिलिसाओले आत्मघाती गोल गर्न पुगेका थिए । पाब्लो गाभीको पासमा फ्रान्कको प्रहार मिलिसाओलाई लाग्दै गोलमा परिणत भएका थियो ।

त्यसमा अफसाइड रहेको भन्दै रेफ्रीले भिएआर चेक गर्दा राफिन्हा अफसाइड देखिदा फ्रान्क केसी अफसाइड नदेखिएपछि रेफ्रीले गोललाई मान्यता दिएको थियो ।

एक गोलले पछि परेको घरेलु टोली रियलले त्यसपछि ६५ प्रतिशत बल पोसेसन राख्दै बार्सिलोनामाथि दवाव बढाएपनि गोल गर्न नसक्दा पराजित हुन पुग्यो ।

जितसँगै बार्सिलोनाले फाइनल पुग्ने सम्भावना बलियो बनाएको छ । अब दोस्रो लेगमा यही नतिजा कायम राख्न सके बार्सिलोना फाइनलमा पुग्नेछ । रियललाई फाइनल पुग्न जित निकाल्नुपर्नेछ । दोस्रो लेग ५ अप्रिलमा हुनेछ ।