समानुपातिक तर्फ कुन दलको कति मत ?
वि.सं.२०७९ मंसिर १४ बुधवार १३:०७
काठमाडौं: मंसिर ४ गते सम्पन्न प्रतिनिधि सभा तथा प्रदेश सभाको मत गणना अन्तिम चरणमा पुगेको छ । निर्वाचन आयोगको तथ्याकं अनुसार एक करोड बढी मत गणना सम्पन्न भइसकेको छ ।
हालसम्म १ करोड ८ हजार ३ सय २ मतगणना भएको आयोगले जनाएको छ । समानुपातिकतर्फ सबैभन्दा धेरै नेकपा (एमाले) ले २६ लाख ९६ हजार ५७५ मत ल्याएको छ ।
दोस्रो नम्बरमा नेपाली कांग्रेसले २५ लाख ५३ हजार ९४ मत प्राप्त गरेको छ । तेस्रोमा नेकपा (माओवादी केन्द्र) ले ११ लाख ४३ हजार ८९४ मत पाएको छ ।
माओवादीको पछि पछि रहेको राष्ट्रिय स्वतन्त्र पार्टीले १० लाख ९८ हजार २७५ मत ल्याएको छ । यस्तै, राष्ट्रिय प्रजातन्त्र पार्टीले ५ लाख ७० हजार ६५९ मत ल्याएको छ भने जनता समाजवादी पार्टी, नेपालले ३ लाख ८९ हजार १९७ र जनमत पार्टीले ३ लाख ४९ हजार ३५२ मत ल्याएका छन् ।
नेकपा एकीकृत समाजवादीले २ लाख ८२ हजार २ सय ६२ मत प्राप्त गरेको छ भने नागरिक उन्मुक्ति पार्टीले २ लाख ५० हजार ५९ मत प्राप्त गरेको छ । समानुपातिकमा थ्रेस होल्ड कटाउन कूल सदर मतको तीन प्रतिशत मत ल्याउनुपर्ने हुन्छ ।
वि.सं.२०७९ मंसिर १४ बुधवार १३:०७