अखबार नेपाल ट्रेन्डिङ

काठमाडौं: बंगलादेशमा जारी साफ यू–१९ महिला फुटबल च्याम्पियनसिपमा नेपाल भारतसँग १–० गोल अन्तरले पराजित भएको छ ।

भारतको जितमा एकमात्र निर्णायक गोल पी नावरेमले खेलको ६७ औ मिनेटमा गरे ।

पराजित भएसँगै फाइनलमा प्रवेश गर्ने नेपालको सम्भावनामाथि धक्का लागेको छ ।

फाइनल प्रवेशका लागि नेपाललाई भारतसँगको खेल बराबरी मात्र खेले पुग्ने थियो ।

नेपालले फाइनल प्रवेशका लागि बंगलादेश र श्रीलंकाबीच हुने खेलको नजिता कुर्नु पर्नेछ ।

बंगलादेशले श्रीलंकामाथि जित वा बराबरीकै नजिता निकाले नेपाल प्रतियोगिताबाट बाहिरिनेछ ।

बंगलादेशले पराजय भोगे नेपालको फाइनलमा प्रवेश गर्ने सम्भावना रहनेछ ।

यता नेपालमाथि जित निकाल्दै भारत भने प्रतियोगिताको फाइनलमा प्रवेश गरेको छ ।

भारतले चार मध्ये तीन खेल जित्दै ९ अंक जोडेको छ ।

नेपालले चारमध्ये दुईमा जित र एक खेलमा बराबरीको नजिता निकाल्दै जम्मा ७ अंक जोडेको छ ।

आयोजक बंगलादेशको सात अंक छ र उसले एउटा खेल खेल्न बाकी छ ।