अखबार नेपाल ट्रेन्डिङ

काठमाडौं: नेपाली राष्ट्रिय फुटबल टोलीका मुख्य प्रशिक्षक अब्दुल्लाह अल्मुताइरीले राजीनामाको घोषणा गरेका छन् ।

आइतबार सामाजिक सञ्जालमा स्टाटस लेख्दै प्रशिक्षक अल्मुताइरीले नेपाल फुटबल संघ (एन्फा) का वरिष्ठ उपाध्यक्ष पंकजबिक्रम नेम्वाङको कारणले आफूले राजीनामा दिएको उल्लेख गरेका छन ।

वरिष्ठ उपाध्यक्ष नेम्वाङले दिनदिनै अनेक बहाना र नाटक गरेर आफूलाई दु:ख दिएको दाबी उनले गरेका छन् । उनले राजीनामा पत्र आजै एन्फामा बुझाउने बताएका छन् ।

उनले विगत तीन हप्तादेखि आफूलाई दबाब आएको उल्लेख गर्दै लेखेका छन ‘म वरिष्ठ उपाध्यक्षले पछिल्लो तीन हप्तादेखि गरिरहेको नाटकका कारण राजीनामा दिन गइरहेको छु । अब तपाईँ खुसी हुनु भयो होला नि पंकजविक्रम नेम्वाङ ?

गत वर्ष चैत २२ मा उनी नेपाली राष्ट्रिय फुटबल टिमको मुख्य प्रशिक्षकमा नियुक्त भएका थिए । एन्फाले उनलाई एक वर्षका लागि प्रशिक्षक नियूक्त गरेको थियो ।

तर, ४ महिना नबित्दै उनले राजिनामा घोषणा गरेका छन ।

अलमुताइरीको प्रशिक्षणमा नेपालले विश्वकप छनोटका ३ खेल खेलेको थियो ।

जसमा नेपालले चाईनिज ताईपेलाई २–० गोल अन्तरले पराजित गरेका थियो भने  जोर्डन र अष्ट्रेलियासँग समान ३–० गोलअन्तरले पराजित भएको थियो ।

https://www.facebook.com/abdullah.almutairi1891/posts/180021507513664

दक्षिण एसियाली फूटबल महासंघले नेपालमा साफ च्याम्पियनशिप फूटबल आयोजना गर्न प्रस्ताव
अमेरिकाले आईतवार पहिलो स्वर्ण पदक जितेको छ