कोरोना महामारीका कारण स्थगन भएको इन्डियन प्रिमियर लिगको बाँकी खेल खेलाउन चार राष्ट्र इच्छुक
वि.सं.२०७८ वैशाख २७ सोमवार १५:०८
एजेन्सीः कोरोना महामारीका कारण स्थगन गरिएको इन्डियन प्रिमियर लिग (आइपीएल)को बाँकी खेल खेलाउनका लागि एकपछि अर्को राष्ट्रले दाबी पेश गर्न थालेका छन् ।
इंग्ल्याण्ड र यूएईपछि अस्ट्रेलिया तथा श्रीलंकाले पनि भारतीय क्रिकेट कन्ट्रोल बोर्ड (बीसीसीआई) समक्ष आइपीएल-२०२१ का बाँकी खेल आयोजना गर्न अफर गरेका छन् ।
आइपीएलको बाँकी ३१ खेलका लागि बीसीसीआईले २० दिने सिजनको खोजी गरिरहेको छ । यसअघि दक्षिण अफ्रिका तथा यूएईले आइपीएल होस्ट गरिसकेका छन् ।
गत संस्करणको आइपीएल यूएईमा आयोजना गरिएको थियो । रिपोर्ट अनुसार बीसीसीआईले यूएईलाई ९८.५ करोड भारतीय रुपैयाँ दिएको थियो ।
कोरोना महामारीका कारण बाँकी खेल सेप्टेम्बर/अक्टोबरमा हुने संभावना रहेको छ ।
भारतमा कोरोना निरन्तर बढीरहेका कारण पुन: भारतमै प्रतियोगिता हुने संभावना कमजोर रहेको छ ।
यस्तो अवस्थामा आइपीएलको बाँकी खेलका लागि विभिन्न देशले अफर गरिरहेका छन् ।
गत संस्करणमा सफल्ता पुर्वक यूएईले प्रतियोगिता आयोजना गरेकाले पनि यूएईनै पहिलो रोजाई बन्नसक्ने संभावना रहेको छ ।
त्यस्तै बीसीसीआईका लागि इङ्ग्ल्याण्ड दोस्रो प्राथमिकतामा पर्नसक्छ । भारतीय टीम मे महिनादेखि मध्य सेप्टेम्बरसम्म इङ्ग्ल्यान्डमै रहने भएकाले सेप्टेम्बर अन्ततिरको २० दिनको स्लटमा आइपीएल आयोजना हुन सक्नेछ ।
बीसीसीआईका लागि अस्ट्रेलिया तेस्रो रोजाई बन्न सक्छ ।
किनकी चर्चित बिगबास आयोजनाको अनुभव भएको अस्ट्रेलियामा उसका लागि धेरै मिहिनेत गर्नु नपर्ने भएकाले पनि बीसीसीआईको रोजाईमा अस्ट्रेलिया पनि पर्न सक्नेछ ।
त्यस्तै, अर्को प्रस्तावक राष्ट्र श्रीलंका झनै कम प्राथमिकतामा पर्न सक्छ ।
श्रीलंकाले जुलाईदेखि अगस्टसम्म लंका प्रिमियर लिग गर्ने भएकाले यही प्रतियोगिताको तयारीले आइपीएल पनि आयोजना गर्न सकिने उसको विश्वास छ ।
राष्ट्रिय परीक्षा बोर्डद्वारा एसईई र कक्षा १२ को परीक्षा स्थगित
वि.सं.२०७८ वैशाख २७ सोमवार १५:०८