अखबार नेपाल ट्रेन्डिङ

एजेन्सीः जर्मन बुन्डेसलिगा फुटबलमा बोरुसिया डर्टमण्ड लेवरकुसेनसँग २-१ गोल अन्तरले पराजित भएको छ ।

लेवरकुसेनलाई जित दिलाउन मोउसा डियाबी र फ्लोरिन विर्ट्जले एक एक गोल गरे ।

डर्टमण्डका जुलियन ब्रान्टले एक गोल फर्काए ।

खेलको १४ औं मिनेटमा मोउसाले गोल गर्दै लेवरकुसेनलाई अग्रता दिलाएका थिए ।

खेलको ६७ औं मिनेटमा जुलियनले गोल गर्दै डर्टमण्डलाई १-१ गोलको बराबरीमा ल्याए ।

त्यसपछि खेलको ८० औं मिनेटमा फ्लोरिनले गोल गर्दै लेवरकुसेनलाई २-१ को जित दिलाए ।

जितसंगै लेवरकुसेनले दोस्रो स्थानमा उक्लिएको छ । लेवरकुसेनले ३२ अंक जोडेको छ ।

डर्टमण्ड २९ अंक जोडेर चौंथो स्थानमा रहेको छ ।