अखबार नेपाल ट्रेन्डिङ

काठमाडौँ : अमेरिकी सहयोग परियोजना एमसीसी पास हुने अवस्था आएको छ । प्रतिनिधिसभाको बैठकमा पेश भएको एमसीसीलाई पास गर्नको लागि नेकपा माओवादी केन्द्रले निर्णय गरेको छ। आज बसेको बैठकले व्याख्यात्मक टिप्पणीसहित एमसीसी पास गर्ने निर्णय गरेसँगै एमसीसी पास हुने अवस्था आएको हो ।

नेकपा एकीकृत समाजवादी पार्टीले पनि एमसीसी पास गर्नेगरी निर्णय गर्ने भएको छ । आज बस्ने प्रतिनिधिसभाको बैठकमा एमसीसीको विषयमा छलफल हुँदैछ । त्यसमा सत्तागठबन्धनमा रहेका दलहरुले यसअघि एमसीसीबिरुद्ध बोल्दै आएका थिए ।

नेकपा एसका अध्यक्ष माधव कुमार नेपालको सकृयताका कारण सबै दलमा एमसीसी पास गर्ने सहमति भएको हो । जनता समाजवादी पार्टीले पनि एमसीसी पास गर्ने निर्णय आजै गर्दैछ ।

राजनीतिक रुपमा निकै पेचिलो बनेको एमसीसीको विषय अब मत्थर हुने देखिन्छ ।