अखबार नेपाल ट्रेन्डिङ

काठमाडौं: अनलाईन माध्यममा अध्ययन गरिरहेका विद्यार्थीका अभिभावकले मोबाइलबाट छोराछोरीको प्रगति हेर्न मिल्ने एप नेपालमै पहिलो पटक सार्वजानिक भएको छ । एम्बिसन गुरु नेपाल प्रा.लि. ले ल्याएको यो एपबाट अभिभावकले एम्बिसन गुरुमा अध्ययनरत आफ्ना छोराछोरी वा भाईबहिनीले एपमा कति समय बसेर पढिरहेका छन् भन्ने कुरा थाहा पाउन सकिने कम्पनीले जनाएको छ ।

विद्यार्थीहरुले कतिवटा लाइभ क्लास लिए, कति वटा छुटाए । कुन-कुन परीक्षामा सहभागी भए । नबुझेका कुरा शिक्षकलाई कतिको प्रश्न गरिरहेका छन् कि छैनन् जस्ता कुरा थाहा पाउन सकिनेछ । परीक्षामा विद्यार्थीले कुन विषयमा कति अंक ल्याएका छन् र त्यसमा गुरुले दिएको सल्लाह पनि  मोबाइल एपबाट नै हेर्न मिल्नेछ ।

कुन-कुन विषयमा अझ कति मिहेनत गर्नुपर्ने जस्ता कुरा अत्याधुनिक AI प्रविधिले गाईड गर्नेछ । यस्तै प्रत्यक्ष गुरुसँग पनि परामर्श लिन सकिनेछ । आफ्नो जिम्मेवारी बहन गर्ने सिलसिलमा छोराछोरीबाट टाढा बस्नुपर्ने ब्याध्यात्मक अवस्थामा रहेका अभिभावका लागि यो एप वरदान सावित हुने कम्पनीले विश्वास लिएको छ ।

इ-लर्निङ प्लेटफर्म एम्बिसन गुरुमा स्थापनाको छोटो समयमा एप डाउनलोड गर्नेको संख्या एक लाख भन्दा बढी पुगेको कम्पनीले जनाएको छ । नेपालकै उत्कृष्ट गुरूहरूबाट एसईई,  +2, साईन्स, मेनेजमेन्टका ब्याच्लर र माष्टर्स लेबलका विभिन्न विषयका परीक्षाको तयारी अनलाईनबाट गराउन सकिने कम्पनीले जानकारी दिएको छ ।

लोक सेवा, शिक्षक सेवा, संस्थानहरू, बैंकहरू, सुरक्षा निकायका विभिन्न दरवन्दीका लागि खुलेका आवेदनको तयारी कक्षा सञ्चालन गरिरहेको पनि कम्पनी जनाएको छ । यस्तै आयल्ट्स्, कोरियन र जापनिज भाषा पनि सिकाईरहेको छ । कम्पनीको सामाजिक उत्तरदायित्व र शिक्षामा सबैको समान पहुँच होस् भन्ने उदेश्यले हालै सम्पन्न एसईईका पाँच हजार विद्यार्थीलाई छात्तवृत्ति प्रदान गरेको कम्पनीले जानकारी गराएको छ । भविष्यमा समेत यस्ता कार्यलाई निरन्तरता दिने कम्पनीले प्रतिबद्धता जनाएको छ ।