अखबार नेपाल ट्रेन्डिङ

काठमाडौं: ग्राहक सेवाबाट प्राप्त गर्ने आम्दानी घटेपनि ब्याज लगायत अन्य अम्दानीमा वृद्धि हुँदा नेपाल टेलिकमको कुल आम्दानीसँगै नाफा बढेको छ ।

कम्पनीले चालु आर्थिक वर्ष २०७९/८० को दोस्रो त्रैमाससम्म ४ अर्ब २५ करोड ४७ लाख ७७ हजार रुपैयाँ मुनाफा आर्जन गरेको छ । जुन गत आर्थिक वर्षको सोही अवधिको तुलनामा ९.१६ प्रतिशतले बढी हो ।

गत आर्थिक वर्ष २०७८/७९ को सोही अवधिमा ३ अर्ब ८९ करोड ७८ लाख ७५ हजार नाफा कमाएको थियो ।

गत आर्थिक वर्ष २०७८/७९ को दोस्रो त्रैमाससम्म ग्राहकबाट १९ अर्ब २० करोड ७२ लाख रुपैयाँ आम्दानी गरेको कम्पनीले चालु आर्थिक वर्ष २०७९/८० को सोही अवधिमा १८ अर्ब ७ करोड ७३ लाख रुपैयाँ मात्रै आम्दानी गरेको छ ।

तर, कम्पनीको अन्य आम्दानी २ अर्ब ७८ करोड २० लाखबाट बढेर ४ अर्ब २ करोड ३८ लाख रुपैयाँ पुगेको छ । जसले कम्पनीको कुल आम्दानी २१ अर्ब ९८ करोड ९२ लाखबाट बढेर २२ अर्ब १० करोड ११ लाख रुपैयाँ पुगेको छ ।

यस्तै कम्पनीको कर्मचारी खर्च ३ अर्ब ७२ करोड ३९ लाख रुपैयाँबाट घटेर ३ अर्ब ५८ करोड ६३ लाखमा झरेको छ । यस्तै सञ्चालन तथा मर्मत खर्च ६२ रोड भन्दा माथिले घटेको छ । तर, सेवा बिक्री तथा त्यसको प्रबर्द्धन खर्च भने बढेको छ ।

नियामकीय शुल्क तथा नवीकरण खर्च र अन्य खर्च करिब ७ करोडले घटेको छ भने कम्पनीको फाइनान्स लागत पनि घटेको छ । जसले कम्पनीको नाफा बढेको हो ।

१८ अर्ब रुपैयाँ चुक्ता पूँजी रहेको कम्पनीको सञ्चित तथा जगेडा कोषमा ७ अर्ब ७४ अर्ब ३२ करोड ६० लाख रुपैयाँ रहेको छ । नाफा बढेसँगै कम्पनीको चुक्ता पूँजी ४३ रुपैयाँ ३१ पैसाबाट बढेर ४७ रुपैयाँ २८ पैसा पुगेको छ । यस्तै कम्पनीको मूल्य आम्दानी अनुपात १८.३७ गुणा र प्रतिसेयर नेटवर्थ ५१२ रुपैयाँ ९२ पैसा रहेको छ ।