अखबार नेपाल ट्रेन्डिङ

काठमाडौं: हरेक बर्ष झैँ यो बर्ष पनि विश्व एचआईभी एड्स दिवश मनाइदै छ । ‘एच आइ भी को नियन्त्रणमा समुदायको प्रभावकारि भुमिका’भन्ने नारा सहित विभिन्न जनचेतना मुलक कार्यक्रम गर्दै विश्व एचआईभी एड्स दिवश मनाईदैछ ।

एचआईभी एड्सको संक्रमणदरलाइ अझै घटाउँदै लैजाने र एड्सको महामारिलाई अन्त्य गर्ने लक्ष्य सहित विश्वभर डिसेम्बर १ का दिन विश्व एचआइभी एड्स दिवश मनाउने गरिन्छ । एचआइभी प्रतिरक्षा प्रणालीमा कमी गराउने एक प्रकारको भाइरस हो । जसको संक्रमणबाट मानव शरीरमा प्रतिरोधात्मक क्षमतामा ह्रास आउने गर्छ । एचआइभी भएको मानिसलाइ जुन सुकै रोग पनि सजिलैसँग संक्रमण गर्ने गर्छ एचआईभी एड्स रोग दिर्घ रोग पनि हो । यो रोग लागेको पत्तालागेमा नियमित औषधी सेवन गरे केहि हदसम्म नियन्त्रण गर्न सकिने चिकित्सकहरुको भनाई छ ।

नेपालमा एचआईभीको संक्रमणको तथ्याङ्क हेर्दा यसलाइ महामारीको रुपमा पनि लिने गरिन्छ । २०१८ को अन्त्य सम्म संसारभर ३ करोड ७९ लाख ब्यक्तिलाइ एचआइभी संक्रमण भएको अनुमान गरिएको छ । भने नेपालमा २९ हजार ९ सय ४४ जनामा एचआइभी संक्रमण भएको अनुमान छ । ती मध्ये पुरुषको संख्या १७ हजार ७ सय ३२ र महिला संख्या १२ हजार २ सय १२ रहेको छ । नेपालमा करिब ७६ प्रतिशत एचआइभी संक्रमण अशुरक्षित यौन सम्पर्कबाट सरेको पाइएको छ ।