अखबार नेपाल ट्रेन्डिङ

काठमाडौं: निलम्बनमा परेका राष्ट्रिय स्वतन्त्र पार्टीका महामन्त्री मुकुल ढकालले तयार गरेको समीक्षा प्रतिवेदन सार्वजनिक भएको छ । उनले ‘समीक्षा यात्रा-फोक्सुन्डो’ शीर्षकमा तयार पारेको प्रतिवेदन सार्वजनिक भएको हो । स्थापनाको छोटो समयमै संघीय संसद्‍का २१ सिट जित्न सफल रास्वपा संकटतिर धकेलिएको प्रतिवेदन महामन्त्री ढकालले ल्याएपछि अहिले उनलाई त्यसैले संकटमा पारेको छ ।

रास्वपाका संस्थापकमध्ये एक उनले उक्त प्रतिवेदन सभापति रवि लामिछानेलाई बुझाइसकेका छन् । ढकालले उक्त प्रतिवेदनमा वैकल्पिक राजनीतिक शक्तिका रुपमा उदाएको रास्वपा र सभापति रवि लामिछानेको लोकप्रियता खस्किँदै गएको उल्लेख गरेका थिए । बुधबारको बैठकमा प्रतिवेदन पेश गर्न नदिइएपछि त्यहीकुरा उनले सञ्चारमाध्यममा बताइसकेका छन् । ढकालले सभापति लामिछानेको पनि चर्को आलोचना गर्दै पार्टी सुधारको विकल्प दिँदा आफूमाथि राजनीतिक षड्यन्त्र भएको गुनासो गरेका छन् ।

उनले उक्त प्रतिवेदन गत साता बुधबार पार्टी सभापति लामिछानेलाई बुझाएका थिए । उनले उक्त प्रतिवेदनमा दुई वर्षमै पार्टी तत्कालीन ‘विवेकशील’ कै बिजोग अवस्थामा पुग्न लागेको निष्कर्ष सुनाएका थिए । त्यहीकारण अहिले उनलाई नै आपत् आइलागेको छ ।

प्रतिवेदनको पूर्णपाठः