अखबार नेपाल ट्रेन्डिङ

काठमाडौं: नयाँ बानेश्वरमा बिहानै भएको दुर्घटनामा एक जनाको मृत्यु भएको छ । बिहान भएको दुर्घटनामा ज्यान गुमाउनेको विभत्स शरीर मात्र फेला परेको छ ।

सडकमा शवसँगै एक खुट्टामा जुत्ता र अर्को जुत्ता बाहिर भेटिएको छ । घटनास्थलमा रहेका प्रहरी जवानले भने दुर्घटना कसरी भयो भन्ने खुल्न नसकेको बताए । उनले शवको टाउको क्षतविछ्यत भएकाले पहिचान गर्न कठिन भएको पनि बताए ।

सवारी दुर्घटना नै भएपनि ठूलो गाडीले पैदलयात्रीलाई ठक्कर दिएको वा अन्य कारणबाट दुर्घटना भएको भन्ने खुल्न नसकेको प्रहरीले जनाएको छ । घटनाबारे अनुसन्धान भइरहेको छ ।