अखबार नेपाल ट्रेन्डिङ

काठमाडौं: नवनियुक्त प्रधानन्यायाधीश विश्वम्भरप्रसाद श्रेष्ठले पद तथा गोपनीयताको शपथ ग्रहण गरेका छन् । राष्ट्रपति भवन  शीतल निवासमा आयोजित विशेष समारोहमा राष्ट्रपति रामचन्द्र पौडेलले प्रधानन्यायाधीश श्रेष्ठलाई शपथ खुवाएका हुन् ।

श्रेष्ठ सोमबार सर्वोच्च अदालतको ३१औं प्रधानन्यायाधीशमा नियुक्त भएका थिए । शपथ समारोहमा उपराष्ट्रपति रामसहाय प्रसाद यादव, प्रधानमन्त्री पुष्पकमल दाहाल, संवैधानिक अंगकका प्रमुखहरू, न्यायाधीश, नेपाल बार एसोसिएसनका अध्यक्ष, नेपाल सरकारका मुख्य सचिव, उच्चपदस्थ सरकारी अधिकारी तथा सुरक्षा प्रमुखको उपस्थित थिए ।

संवैधानिक परिषद्को सिफारिसमा सोमबार राष्ट्रपति पौडेलले श्रेष्ठलाई संविधानको धारा १२९ को (२) बमोजिम प्रधानन्यायाधीश पदमा नियुक्त गरेका हुन् ।

संवैधानिक परिषद्ले १८ साउनमा श्रेष्ठलाई प्रधानन्यायाधीशमा सिफारिस गरेको  थियो । तत्कालीन प्रधानन्यायाधीश हरिकृष्ण कार्की उमेरहदका कारण २० साउनमा अवकासमा गएपछि बरिष्ठतम् न्यायाधीश श्रेष्ठले कामयमुकायमको जिम्मेवारी पाएका थिए ।