अखबार नेपाल ट्रेन्डिङ

काठमाडौं: त्रिभुवन अन्तर्राष्ट्रिय विमानस्थलमा नेपाल वायु सेवा निगमका कर्मचारीहरुले यात्रुहरुबाट लगेजको तौल मनोमानी ढंगले बढाएर ठगी गर्ने गरेको पाइएको छ ।

नेपालबाट विदेशका विभिन्न मुलुकमा जाने यात्रुहरुलाई उनीहरुको लगेजको तौल साविक भन्दा बढी देखाएर चर्को शुल्क असुल्दै सास्ती दिने गरिएको एक घटना बाहिरिएको छ ।

आफैंले तौलेर लगेको सही तौलको सामान लैजान समेत एक केजीको ४ हजारसम्म लिने गरेको पाइएको छ । घरमा नै तौल लिएर लगेका एक यात्रुको लगेजमा २ केजी बढी सामान देखाएपछि यो बिषय बाहिर आएको हो ।

यो घटना सोमबार बेलुकाको कोरियन एयारलाईन्सको हो । कोरियन एयरको उडान नं. केई ६९६ बाट कोरिया भइ बिभिन्न गन्तब्यमा जाने यात्रुहरुलाई कोरियन एयरका कर्मचारी र नेपाल बायुसेवा निगमका कर्मचारीहरुले यात्रुहरुलाई ठगी गरेका हुन् ।

बिदेशी र स्वदेशी पर्यटक तथा यात्रुहरुको आगमन र प्रस्थान गर्ने ढोकाको रुपमा रहेको त्रिभुवन अन्तर्राष्ट्रिय बिमानस्थल भए बिदेसिने, उच्च शिक्षा अध्ययन गर्न जाने र  बैदेशिक भ्रमण गर्ने तथा बिदेशमा नै बसोबास गर्ने हजारौ नेपालीहरु बिमानस्थलमा ठगिने गरेका छन् ।

कोरियन, कतार, नेपाल वायुसेवा निगम, हिमालय, टर्कीलगायतका अन्य बायुसेवा कम्पनिहरुमा समेतबाट यात्रा गर्दा समेत यात्रुहरु ठगिने गरेका छन् । यसरी तौलमा नै कम गरी यत्रुहरु ठगिएको बिषयमा बिमानस्थल प्रशासन बिमानस्थलस्थित सुरक्षा निकाय र एयरलाईन्सका कर्मचारीहरु सबै जानकार छन् ।

यस्तो गम्भीर बिषय थाहा हुँदा हुँदै पनि बिमानस्थलका सुरक्षा निकाय, कर्मचारी लोडरको मिलेमतोमा ठगिएको तौलमा पैसा असुल गर्ने गरेका छन् । यात्रुहरुले लगेको प्रविधिको प्रयोग गरी सही तौलको समेत कम देखाइ पैसा असुल गर्न पल्केका यस्ता कर्मचारीहरुलाई कसले कारवाही गर्ला ?