अखबार नेपाल ट्रेन्डिङ

काठमाडौं: प्रतिनिधि सभाको जारी मतगणनामा समानुपातिक तर्फको मतमा नेकपा माओवादीले राष्ट्रिय स्वतन्त्र पार्टीको अग्रता तोड्दै अघि बढेको छ ।

निर्वाचन आयोगको पछिल्लो तथ्यंक अनुसार माआवादी केन्द्रले ८ लाख मत कटाउँदा रास्वपाले पाएको मत संख्या ७ लाख ९९ हजार छ ।

तथ्याङ्क अनुसार नेकपा माओवादी केन्द्रले आठ लाख १ हजार ३७९ मत प्राप्त गरेर तेस्रो स्थानमा उक्लिएको हो । राष्ट्रिय स्वतन्त्र पार्टीले ७ लाख ९९ हजार सात ८२ मत प्राप्त गरेर माओवादीभन्दा पछाडि परेको छ ।

समानुपातिक तर्फको पहिलो स्थानमा नेकपा एमाले र दोस्रो स्थानमा नेपाली कांग्रेस छ । एमालले १८ लाख ९७ हजार २७ मत र कांग्रेसले १८ लाख ३ हजार ३६ मत प्राप्त गरेको छ ।