सताब्दी पुरूष सत्यमोहन जोशीको १०३ वर्षको उमेरमा निधन
वि.सं.२०७९ असोज ३० आइतवार ०८:१०
काठमाडौं: वाङ्गमय सताब्दी पुरूष सत्यमोहन जोशीको आइतबार बिहान उपचारकै क्रममा १०३ वर्षको उमेरमा निधन भएको छ ।
ललितपुरको ग्वार्कोस्थित किष्ट मेडिकल कलेजमा उपचाररत जोशीको आज बिहान निधन भएको पारिवारिक स्रोतले जनाएको छ ।
तीन साताअघि अस्पताल भर्ना भएका जोशीको आइसियूमै राखेर उपचार भइरहेको थियो । स्वास्थ्यमा समस्या देखिएपछि असोज ७ गते किष्ट अस्पतालमा भर्ना भएका थिए ।
पछिल्लो समय उनलाई छातीमा निमोनियाको संक्रमण र पिसाबमा संक्रमण देखिएको थियो । अघिल्लो साता रगत परीक्षणको क्रममा उनमा डेंगुको संक्रमणसमेत पुष्टि भएको थियो ।
अस्पताल बसाइको शुरुका दिनमा केही सुधार भएजस्तो देखिए पनि पछि उनको स्वास्थ्य अवस्था गम्भीर बन्दै गएको थियो ।
वि.सं.२०७९ असोज ३० आइतवार ०८:१०