केएमसीको क्यान्टिनमा काम गर्ने रायमाझीले किन गरिन आत्महत्या ?
वि.सं.२०७९ असार १९ आइतवार ०९:१३
1.2K
shares
काठमाडौं : काठमाडौंको बुद्धनगरस्थित केएमसी स्कुलको क्यान्टिनमा कार्यरत रमा रायमाझीले झुण्डिएर आत्महत्या गरेकी छिन् ।
काभ्रेको तेमाल गाउँपालिका स्थायी घर भएकी २१ वर्षीया रायमाझीले स्कुलको गर्ल्स होस्टेलको छेउमा झुण्डिएको अवस्थामा हिजो साँझ मृत फेला परेकी थिईन ।
डेढ वर्षदेखि कार्यरत रमाको हत्या आशंका गर्दै आफन्तले शव उठाउन दिएका छैनन् ।
रातिदेखि अहिले बिहानसम्म पनि त्यहाँ आफन्त र स्थानीयको भिडभाड रहेको छ । गएराति त्रिवि शिक्षण अस्पतालको फरेन्सिक विशेषज्ञ गोपाल चौधरीसहितको टोली पनि स्कुल पुगेको थियो ।
हत्या वा आत्महत्या के हो भन्ने विषय प्रहरीले जाँच गरिरहेको छ ।
वि.सं.२०७९ असार १९ आइतवार ०९:१३




















