अखबार नेपाल ट्रेन्डिङ

काठमाडौ : नेकपा एकीकृत समाजवादी पार्टीभित्र मन्त्रीपरिवर्तनको विषय झन पेचिलो बन्दै गईरहेको छ । अहिले बजारमा पार्टी अध्यक्षभन्दा मन्त्री ‘पावरफूल’ भन्ने हल्ला ब्यापक भईरहेको छ ।

पुराना मन्त्रीलाई फिर्ता बोलाएर नयाँ मन्त्री पठाउने पार्टीको निर्णय भएपश्चात मन्त्रीमा रहेकाहरुले विभिन्न शक्तिकेन्द्र धाउनेदेखि पार्टी अध्यक्षलाई नै धम्क्याउने काम समेत गरेका छन् ।

मन्त्रीहरुको नाम प्रधानमन्त्री शेरबहादुर देउवाकोमा बुझाएपनि  नयाँ मन्त्रीलाई सपथग्रहण गराउने वातारण देउवाले गरेका छैनन् । पार्टीको सचिवालय बैठकबाट निर्णय भएको मन्त्रीपरिवर्तनको विषयमा अहिले पनि पटक पटक बैठक बस्दा छलफल हुने गरेको छ । तर, पनि मन्त्रीमण्डल पुर्नगठनका लागि प्रधानमन्त्री देउवाले चासो दिएका छैनन् ।

अहिले यसै विषयलाई लिएर समाजवादी पार्टीका कार्यकर्तापंतीमा नैराश्यता छाउन थालेको छ । उनीहरुले पार्टी अध्यक्ष माधवकुमार नेपाल मन्त्रीहरुको अगाडी निरिह भएको भन्दै नेतृत्वले हस्तक्षेपकारी भूमिका खेल्न नसकेको गुनासो गर्न थालेका छन् ।

बुधबार साँझ पार्टी अध्यक्ष नेपाललाई भेट्न पुगेका मन्त्रीहरुले आफूहरुको लागि पार्टी अध्यक्ष मरितुल्य भएको भन्दै फर्किएको समाचार बाहिरिएको थियो । कोटेश्वरस्थित नेपाल निवासमा पुगेका सबै मन्त्रीलाई ‘पार्टीले मन्त्री फेर्ने निर्णय लिईसकेको छ, तपाईहरुले सहयोग गर्नुहोस्’ भन्ने प्रस्ताव गरे लगत्तै शहरी विकासमन्त्री झाक्रीले आपत्ति जनाएकी थिइन् ।

‘हामीलाई किन हटाउनु प¥यो, हामीले राम्रै काम गरिरहेका छौँ, फोहोर ब्यवस्थापनको कार्य मेरै पहलमा सम्पन्न भईरहेको छ, अब त्यो कार्य निष्कर्षमा पुग्ने अवस्थामा छ । अन्य काम पनि भईरहेका छन,’ नेपाल समक्ष मन्त्री झाक्रीले आक्रोशित हुँदै भनिन्, ‘राम्रो काम गरिरहेको अवस्थामा पनि हामीलाई हटाउनु हुन्छ भने मेरा लागि अध्यक्ष मरेतुल्य बराबर हुनुभयो ।’