कांग्रेस १४औँ महाधिवेशन अन्तर्गत २४ जिल्लाको अधिवेशन सम्पन्न, १० जिल्लाको परिणाम सार्वजानिक
वि.सं.२०७८ मंसिर ८ बुधवार १४:०५
काठमाडौं: नेपाली कांग्रेसको १४औँ महाधिवेशन अन्तर्गत २४ जिल्लाको अधिवेशन सम्पन्न भएको छ ।
कांग्रेसले पहिलो चरणमा १४ वटा हिमाली जिल्लाको अधिवेशन सम्पन्न गरेको थियो । दोस्रो चरणमा एक मात्र निर्वाचन क्षेत्र भएका २१ जिल्लाको अधिवेशन चलिरहँदा १० जिल्लाको परिणाम भने आईसकेको छ ।
बुधबार विहानसम्म दोस्रो चरणमा अधिवेशन भएका भोजपुर, डडेलधुरा, पाँचथर, प्यूठान, अर्घाखाँची, सल्यान, लमजुङ, जुम्ला, डोल्पा र बैतडीको जिल्ला अधिवेशन सम्पन्न भएको छ ।
अहिलेसम्म अधिवेशन सकिएका २४ जिल्लामध्ये १२ जिल्लामा पौडेल समूहनिकट जिल्ला सभापतिहरू चुनिएका छन् भने १२ जिल्लामा संस्थापन पक्ष सभापति शेरबहादुर देउवानिकट जिल्ला सभापतिहरू चुनिएका छन् ।
सम्पन्न अधिवेशन अन्तर्गत भोजपुरमा विनोद बान्तावा, डडेलधुरामा भीमबहादुर साउद, पाँचथरमा रुपनारायण जवेगु, प्यूठानमा विष्णुकुमार गिरी, अर्घाखाँचीमा केशव श्रेष्ठ, सल्यानमा केसबहादुर बिष्ट, लमजुङमा टकराज गुरुङ, जुम्लामा कर्णबहादुर शाही, डोल्पामा दीपेन्द्रबहादुर शाही र बैतडीमा चतुरबहादुर चन्द जिल्ला सभापतिमा चुनिएका छन् ।
कांग्रेसले सोमबारदेखि क्षेत्रीय अधिवेशन र एकमात्र निर्वाचन क्षेत्र भएका जिल्लाको अधिवेशन गरिरहेको छ ।
जस अन्तर्गत एक मात्र निर्वाचन क्षेत्र भएका ३५ जिल्लामध्ये २३ जिल्लाको अधिवेशन सम्पन्न भएको छ ।
वि.सं.२०७८ मंसिर ८ बुधवार १४:०५