अखबार नेपाल ट्रेन्डिङ

काठमाडौं: नवनियुक्त प्रधानमन्त्री केपी शर्मा ओलीले पद तथा गोपनीयताको सपथ ग्रहण गरेका छन् ।

शीतल निवासमा आयोजित विशेष समारोहका बीच राष्ट्रपति विद्यादेवी भण्डारीले ओलीलाई पद तथा गोपनीयताको शपथ गराएकी छन् ।

तेस्रो पटक प्रधानमन्त्री बनेका ओलीले नेपालको ४३ औं प्रधानमन्त्रीको रूपमा सपथ लिएका हुन् । राष्ट्रपति भण्डारीले संविधानको धारा ७६ (३) बमोजिम सबैभन्दा ठूलो दलको नेताको रूपमा ओलीलाई हिजो राति प्रधानमन्त्री नियुक्त गरेकी थिइन् ।

यसैबीच राष्ट्रपतिले उपप्रधानमन्त्री ईश्वर पोखरेल लगायत अन्य मन्त्रीहरुलाई पनि पद तथा गोपनीयताको सपथ गराएकी छिन् । यस्तै प्रधानमन्त्री ओलीले राज्य मन्त्रीलाई सपथ गराएका छन् ।

नवनियुक्त प्रधानमन्त्री केपी शर्मा ओलीले पुरानै अनुहारलाई दोहोर्‍याउँदै मन्त्रिपरिषद् गठन गरेका छन् ।

ओलीसँगै उनको मन्त्रिपरिषदका सदस्यले पनि पद तथा गोपनीयताको शपथ लिएका छन् । दोहोरिएका मन्त्रीहरूले साविककै मन्त्रालयको जिम्मेवारी पाएका छन् ।

सपथ लिने मन्त्रीहरूमा रामबहादुर थापा, विष्णु पौडेल, प्रदीप ज्ञवाली, हृदयश त्रिपाठी, लेखराज भट्ट, कृष्णगोपाल श्रेष्ठ र प्रभु साह छन् ।

त्यस्तै भानुभक्त ढकाल, मणि थापा, पद्मा अर्याल, वसन्त नेम्वाङ, गौरीशंकर चौधरी, पार्वत गुरुङ, शिवमाया तुम्वाहाङ्फे, लीलानाथ श्रेष्ठ, प्रेम आले, दावा लामा तामाङ र जुलीकुमारी महतो छन् ।

​राज्यमन्त्रीहरू नवराज रावत, रामवीर मानन्धरले पनि पद तथा गोपनीयताको सपथ लिएका छन् । मन्त्री र राज्य मन्त्रीहरुले यसअघिकै मन्त्रालयको जिम्मा पाएका छन् ।

मन्त्रिपरिषद्को नामावली

१. केपी शर्मा ओली : प्रधानमन्त्री तथा रक्षा मन्त्रालय

२. इश्वर पोखरेल : उपप्रधानमन्त्री (प्रधानमन्त्री तथा मन्त्रिपरिषद कार्यालय)

३. राम बहादुर थापा : गृह मन्त्रालय

४. टोप बहादुर रायमाझी : उर्जा, जलस्रोत तथा सिँचाई मन्त्रालय

५. विष्णु पौडेल : अर्थ मन्त्रालय

६. प्रदीप ज्ञवाली : परराष्ट्र मन्त्रालय

७. हृदयश त्रिपाठी : स्वास्थ्य तथा जनसंख्या मन्त्रालय

८. लेखराज भट्ट : उद्योग, वाणिज्य तथा आपुर्ति मन्त्रालय

९. कृष्णगोपाल श्रेष्ठ : शिक्षा, विज्ञान तथा प्रविधि मन्त्रालय

१०. प्रभु साह : शहरी विकास मन्त्रालय

११. भानुभक्त ढकाल : संस्कृति, पर्यटन तथा नागरिक उड्डयन मन्त्रालय

१२. मणिचन्द्र थापा : खानेपानी तथा सरसफाई मन्त्रालय

१३. पद्मा अर्याल : कृषि तथा पशुपंक्षी मन्त्रालय

४. वसन्त कुमार नेम्वाङ : भौतिक पूर्वाधार तथा यातायात मन्त्रालय

१५. गौरीशंकर चौधरी : श्रम, रोजगार तथा सामाजिक सुरक्षा मन्त्रालय

१६. पार्वत गुरुङ : सञ्चार तथा सूचना प्रविधि मन्त्रालय

१७. डा. शिवमाया तुम्वाहाङ्फे : भूमी व्यवस्थापन, सहकारी तथा गरिवी निवारण मन्त्रालय

१८. लीलानाथ श्रेष्ठ : कानुन मन्त्रालय

१९. गणेश सिंह ठगुन्ना : संघिय मामिला तथा सामान्य प्रशासन मन्त्रालय

२०. प्रेम आले बन मन्त्रालय

२१. जली कुमारी महतो : महिला बालबालिका तथा जेष्ठ नागरिक मन्त्रालय

२२. दावा लामा (तामाङ) : युवा तथा खेलकुद मन्त्रालय

राज्यमन्त्रीहरू

१. नवराज रावत : स्वास्थ्य राज्यमन्त्री

२. रामवीर मानन्धर : शहरी विकास राज्यमन्त्री

३. बिमला बिक : उद्योग राज्यमन्त्री