नेकपा माओवादी केन्द्रको स्थायी कमिटी बैठक बस्दै, सत्ता समीकरणको विषयमा छलफल हुने
वि.सं.२०७७ फागुन २९ शनिवार ०८:२६
काठमाडौं: नेकपा माओवादी केन्द्रको स्थायी कमिटी बैठक आज बस्दैछ ।
बैठकमा नयाँ सरकार गठनका लागि नेपाली कांग्रेस र जनता समाजवादी पार्टीसँग भएको छलफल र सम्भावित समीकरणको विषयमा छलफल हुने बताइएको छ ।
बैठकमा माओवादी केन्द्र छाडेर एमालेमा प्रवेश गरेका नेता रामबहादुर थापा लगायत २३ जनालाई माओवादी केन्द्रमा नै फर्कन आह्वान गर्ने स्रोतले जनाएको छ ।
पार्टीमा नै फर्कने मौका दिँदा पनि नफर्किएमा उनीहरूलाई कारबाही गर्ने माओवादी केन्द्रको तयारी रहेको स्रोतले बताएको छ ।
यस्तै एमाले नेता माधव कुमार नेपाल, झलनाथ खनाल लगायतकालाई अध्यक्ष केपी ओलीले जिम्मेवारी खोस्दै अघि बढेको विषयमा पनि बैठकमा छलफलको तयारी भएको जनाइएको छ ।
नेकपा एमालेले शुक्रबार माधव नेपाल पक्षलाई खबरै नगरी विभिन्न पार्टी कमिटी पुनर्गठन गरेको थियो ।
माधव नेपाल पक्षको शुक्रबारै बसेको स्थायी कमिटी बैठकले समानान्तर कमिटी बनाउने निर्णय गरेको थियो ।
साविक नेकपा हुँदा प्रचण्ड–माधव मिलेर ओलीविरुद्ध आन्दोलन गरेका थिए ।
फागुन २३ मा सर्वोच्च अदालतले नेकपा एमाले र माओवादी केन्द्र व्युँताइदिएपछि ओली पार्टी कमिटी र संसदीय दलमा बहुमतमा छन् ।
वेस्ट इन्डिजलाई श्रीलंकाविरुद्धको तीन खेलको एकदिवसीय क्रिकेट सिरिज
इंग्लिस प्रिमियर लिग फुटबलमा न्युकासल र एस्टन भिल्लाले खेले बराबरी
स्पेनिस ला लिगा फुटबलमा भ्यालेन्सियामाथि लेभान्टेको जित
वि.सं.२०७७ फागुन २९ शनिवार ०८:२६