अखबार नेपाल ट्रेन्डिङ

काठमाडौं: प्रधानमन्त्री केपी शर्मा ओलीले आज साँझ ५ बजे बालुवाटारमा संवैधानिक परिषदको बैठक बोलाएको परिषदका सदस्य तथा राष्ट्रिय सभाका अध्यक्ष गणेशप्रसाद तिमिल्सिनाले जानकारी दिएका छन् ।

गत मंगलबार नयाँ अध्यादेश जारी भएपछि नेपाल कम्युनिष्ट पार्टी (नेकपा) भित्र विवाद चुलिएपछि बुधबारको स्थायी कमिटी बैठकमा अध्यादेश फिर्ता लिने सहमति बनेको थियो ।

प्रमुख विपक्षी दलका नेता शेरबहादुर देउवा भने बैठकमा उपस्थितिका बारेमा भने केही बताइएको छैन ।

संविधान अनुसार ६ सदस्य रहने संवैधानिक परिषदमा बैठकका लागि गणपुरक संख्याका लागि ५ जनाको उपस्थित अनिवार्य हुन्छ । तर गत मंगलबार जारी गरिएको अध्यादेश अनुसार सभामुख उपस्थित नभएपनि बैठक गर्न सकिने व्यवस्था गरिएको छ ।

बुधबारको नेकपा स्थायी समिति बैठकमा भएको सहमति अनुसार प्रधानमन्त्रीले अध्यादेश फिर्ता लिनुपर्ने हुन्छ । तर अध्यादेश फिर्ता नगर्दै पुनः बैठक बोलाईएको छ ।

यसैबीच आज साँझ ६ बजे मन्त्रिपरिषदको नियमित बैठक आव्हान गरिएको छ । प्रधानमन्त्रीका प्रेस सल्लाहकार सूर्य थापाले बालुवाटारमा साँझ ६ बजेका लागि मन्त्रिपरिषदको बैठक बोलाइएको बताए ।

र यो पनि पढ्नुहोस्ः

• काठमाडौं उपत्यकामा जोर-बिजोर प्रणाली हट्ने
• उपत्यकामा यो वर्षकै धेरै चिसो
• आजबाट नेपाल-भारत नियमित हवाई उडान सुरु