अखबार नेपाल ट्रेन्डिङ

काठमाडौं: देशभर डेंगु संक्रमण बढ्दै जाँदा स्वास्थ्य तथा जनसंख्या मन्त्रालयले सम्पूर्ण कर्मचारीहरूलाई पूरा बाहुला भएको कपडा लगाएर अफिस आउन आग्रह गरेको छ ।

डेंगु रोगको जोखिम कम गर्नका लागि मन्त्रालयका सह–प्रवक्ता डा. समीरकुमार अधिकारीले सूचना निकाल्दै सार्वजनिक, सामुदायिक र नीजि क्षेत्रमा कार्यरत सम्पूर्ण कर्मचारीहरुलाई कार्यालय आउँदा पूरा पूरा बाहुला भएको लुगा लगाउन अनुरोध गरेका हुन् ।

मन्त्रालयले डिज जातको लामखुट्टे प्राय दिनको समयमा विशेषगरी बिहान र बेलुका  समयमा संक्रिय हुँदा यो जातको लामखुट्टेको टोकाइबाट डेंगु रोग लाग्ने हुनाले लामखुट्टेबाट बच्नलाई यस्तो आग्रह गरेको हो ।

यस्तै डेंगु संक्रमणको जोखिम कम गर्न कार्यस्थल वरिपरि निरन्तर सफा राख्‍न पनि उनले आग्रह गरेका छन् । मन्त्रालयले डेंगु नियन्त्रणका लागि प्रदेश जिल्ला  र स्थानीय  तहसँगको समन्ययनमा डेंगु सार्ने लामखुट्टेको लार्भा  खोज र नष्ट गर अभियानलाई तीव्र बनाएको जनाएको छ ।