अखबार नेपाल ट्रेन्डिङ

काठमाडौं: काठमाडौं प्रमुख जिल्ला अधिकारी जनकराज दाहालले स्वास्थ्यकर्मीलाई बाधा अबरोध पुर्याउनेलाई पाता फर्काएर ६ महिना जेल हाल्ने चेतावनी दिएका छन् ।

प्रमुख जिल्ला अधिकारी दाहालले कुनैपनि किसिमको धम्की र घेराउ गर्नेलाई पहिचान गरेर त्यस्ता व्यक्तिलाई खोजीखोजी संक्रामक रोग ऐन, २०२० अन्तर्गत कारबाही गर्ने चेतावनी दिएका छन् ।

स्वास्थ्यकर्मीमाथि ‘सोच्न पनि नसकिने महापराध गरिएको छ,’ उनले भने, ‘स्वास्थ्यकर्मी र सुरक्षाकर्मी भगवान हुन्, त्यस्तालाई रोक्नेलाई पाता फर्काएर ६ महिना जेल हाल्छु । मैले सुरक्षाकर्मीलाई पक्राउ गर्न निर्देशन दिइसकेको छु ।’

कोरोना भाइरस संक्रमण न्यूनिकरणका लागि गरिएको निषेधाज्ञा प्रभावकारी भएको भन्दै दाहालले सहयोग गर्न नागरिकलाई अपिल समेत गरेका छन् ।