अखबार नेपाल ट्रेन्डिङ

एजेन्सीः थाइल्यान्ड र कम्बोडियाका सैनिकले एक अर्काविरुद्ध गोली हानाहान गरेका छन् । बिहीबार बिहानैदेखि दुवै पक्षले एक अर्काविरुद्ध गोली चलाएको आरोप लगाएका छन् । एकदिनअघि मात्र सीमामा एक ल्यान्डमाइन विस्फोटमा एक थाइ सैनिक घाइते भएपछि बिहीबार दुवै पक्षले एक अर्काविरुद्ध गोली चलाएको अन्तर्राष्ट्रिय सञ्चार माध्यम बीबीसीले जनाएको छ ।

बुधबारको घटनापछि थाइल्यान्डले कम्बोडियाबाट आफ्ना राजदूतलाई फिर्ता बोलाएको छ । थाइ सेनाले आफ्ना दुई सैनिक र तीन नागरिक घाइते भएको बताएको छ । थाइ दूतावासले सीमामा संघर्षका बीच आफ्ना नागरिकलाई कम्बोडिया छाड्न अपील गरेको छ । थाइल्यान्डको शिक्षा मन्त्रालयले थाइल्यान्डको सुरीन प्रान्तमा विवादित सीमा नजिकका सबै विद्यालय बन्द गरेको छ ।