अखबार नेपाल ट्रेन्डिङ

काठमाडौं: राष्ट्रिय वाणिज्य बैंकले ताप्लेजुङ्ग, तेह्रथुम, धुलावारी, मलगंवा र रसुवामा एकै पटक पाँच वटा शाखा कार्यालय सञ्चालनमा ल्याएको छ ।

बैंकको देशभर २६४ वटा शाखा कार्यालय सञ्चालनमा छन् । शनिबार अलग अगल कार्यक्रमका बीच नयाँ शाखाहरुको उद्घाटन गरिएको हो ।

कार्यक्रममा बैंकका प्रमुख कार्यकारी अधिकृत किरण श्रेष्ठले राष्ट्रिय वाणिज्य बैंकले देशको दूरदराज तथा शहरी क्षेत्रमा शाखा सञ्चालन गरी प्राथमिकताका साथ आम नागरिकमा बैंकिङ सेवा प्रवाह गरिरहेको बताए ।

राष्ट्रिय बाणिज्य बैंकको हाल ७७ जिल्लाका सबै सदरमुकाममा समेत गरी २६४ वटा शाखा कार्यालय, ४६ वटा एक्सटेन्सन काउन्टर, २६८ वटा एटिएम सेवा रहेको छ ।