अखबार नेपाल ट्रेन्डिङ

एजेन्सीः बार्सिलोना स्पेनिस लिगको शीर्ष स्थानमा उक्लिएको छ । शनिबार राति भएको खेलमा बार्सिलोनाले रियल सोसिडाडलाई १–० गोल अन्तरले हराएको हो । खेलको ८१औं मिनेटमा मेस्सीले पेनाल्टीमा गोल गर्दै बार्सिलोनालाई महत्वपूर्ण तीन अंक दिलाए ।

सोसिडाडका रोबिन डी नर्मान्डको ह्याण्ड बलमा बार्सिलोनाले पेनाल्टीको अवसर पाएको थियो । यसै सिजन सरुवा गरिएका मार्टिन ब्रेथवेटले पहिलो हाफमा केही राम्रा आक्रमण बुनेका थिए । जसलाई सोसिडाडका गोलकिपर एलेक्स रिमिरोले असफल पारेका थिए ।

बराबरीतर्फ धकेलिएको खेलमा मेस्सीले पेनाल्टीमा गोल गर्दै बार्सिलोनालाई महत्वपूर्ण जित दिलाए । चालू सिजनमा मेस्सीले १९औं लिग गोल पुरा गरेका छन् । बार्सिलोना ५८ अंक सहित तालिकाको शीर्ष स्थानमा फर्किएको छ । दोस्रो स्थानको रियल मड्रिडको ५६ अंक छ । सोसिडाड ४३ अंक सहित तालिकाको छैटौ स्थानमा यथावत छ ।