अखबार नेपाल ट्रेन्डिङ

काठमाडौं:  साफ महिला च्याम्पियनसिप फुटबलमा नेपालले आज श्रीलंकासँग खेल्दैछ । खेल आज बेलुकी ४:४५ बजे भारतको गोवामा हुनेछ । नेपालले श्रीलंकालाई हराउँदै सेमिफाइनलमा प्रवेश गर्ने लक्ष्यका साथ मैदानमा उत्रने छ ।

नेपाली फुटबललाई एउटा अर्को के तथ्यमा विश्वास हुनुपर्छ भने श्रीलंकाविरुद्ध आफूअनुकूल नतिजा निकाल्न गाह्रो हुने छैन । अहिलेसम्मका लागि यो समूहमा भुटान दुई खेलबाट ३ अंकसहित अगाडि छ । एक खेल खेलेको नेपालसँग पनि ३ अंक छ । नेपालले आफ्नो पहिलो खेलमा भुटानलाई १–० ले हराएको थियो भुटानविरुद्धको यो जित एक प्रकारले संघर्षपूर्ण रह्यो ।  त्यसपछि भुटानले श्रीलंकालाई सजिलै ३–० ले हराएको थियो ।

श्रीलंका भने अंकविहीन छ । टिमले पाँच दिनको आराम र प्रशिक्षण दुवै पाइसकेको छ । आजै लिग चरणको सबै खेल सकिनेछ । दोस्रो खेलमा समूह बीमा  दुईपल्टको डिफेन्डिङ च्याम्पियन बंगलादेश र भारत पनि भिड्दै छन् । महिला फुटबलमा नेपाल र श्रीलंका  अहिलेसमेम १० पटक भिड्दा नेपालले सबै खेलमा बाजी मारेको छ । नेपालले दक्षिण एसियाली खेलकुदको महिला फुटबलमा तीनपल्ट श्रीलंकासँग खेलेको छ । जसमा ८–१, ४–० र १–० ले नतिजा आफ्नो पक्षमा पारेको छ । महिला साफ च्याम्पियनसिपमा भने छ पल्ट खेलेको छ । नेपालले प्रतियोगितामा श्रीलंकासँग एकै गोलसमेत खाएको छैन ।