अखबार नेपाल ट्रेन्डिङ

काठमाडौं: यहि मंसिर १४ गते हुन लागेको उपनिर्वाचन बहिष्कार गर्नको लागि युवा कम्युनिष्ट लिगले उपनिर्वाचनको विरोध गर्दै विज्ञप्ती जारी गरेको छ । देशको सिमा मिचिएको सन्दर्भ जोड्दै सरकारप्रति ध्यानाकर्षण गराउँदै देश भारतीय विस्तारवादको नांगो हस्ताक्षपको कारण संकटमा परेको र भ्रष्टचार, महंगी र कालोबजारीबाट जनता आक्रान्त भएको जनाएको छ ।

विज्ञप्तीमा भनिएको छ- सरकार देश/जनताको जिम्मा लिएर असाध्यै सतही, कर्मकाण्डी र प्रतिक्रियावादमा जकडी रहेको छ । जुन कुरा पछिल्लो मन्त्रीमण्डल हेरफेर, उपनिर्वाचनको नाटक र कुटनीतिक पहल गर्न छाडेर कालापानीमाथि संसदवादी नेताहरुका तुच्छ वक्तव्य बाजीबाट प्रष्ट भएको उल्लेख छ ।

यसैगरी विज्ञप्ती मार्फत भनिएको छ- गम्भीर संक्रमणको घडिमा हाम्रो पार्टी नेकपा (माओबादी केन्द्र)ले गरिरहेको देशव्यापी खबरदारी, भण्डाफोर तथा शान्ति र समाजवाद विरोधी उपनिर्वाचन बहिष्कारको शान्तिपूर्ण कार्यक्रमहरुमा व्यापक दमन गरेर नेता/कार्यकर्ताहरुमाथि थोपरिरहेको अनावश्यक गिरफ्तारी, धरपकडप्रति युवा कम्यूनिष्ट लिगको गम्भीर ध्यानकार्षण भएको जनाएको छ ।

युवा कम्युनिष्ट लिगले भनेको छ- यो समय कुटनीतिक पहल गरेर देशको भूमि फिर्ता ल्याउने समय भएकोले हल्काफुल्का टिका टिप्पणी गरेर चुनावी माहोल तताउने समय नभएको जनाएको छ । पक्राउ परेका आफ्नो कार्यकर्ता स-सम्मानजनक रिहाईको माग गर्दै युवा कम्युनिष्ट लिगले देशव्यापी प्रतिरोध संघर्षबाट निम्तिने सबै परिणामको भागीदार यही सरकार हुनुपर्ने भन्दै कार्यवाहक अध्यक्ष प्रकाश दुमी राईको हस्ताक्षरमा प्रकाशित विज्ञप्तीमा उल्लेख छ ।

विज्ञप्ती