अखबार नेपाल ट्रेन्डिङ

काठमाडौं: दिवङ्गत पितृलाई तर्पण, सिदा दान र पिण्ड अर्पण गर्न आज बिहानैदेखि काठमाडौँको उत्तर पूर्वी भेगस्थित गोकर्णेश्वर उत्तरगयामा भक्तजनहरुको भीड लागेको छ ।

काठमाडौंको उत्तर पुर्वतिर पर्ने गोकर्णेश्वर उत्तरगयामा पितृलाई पिण्डदान सिदादान श्रद्वा गर्न ठुलो भिड लागेको हो । परम्परा अनुसार आज छोराछोरीहरुले बुबा नहुनेहरुले यस पवित्र स्थानमा आएर कार्य गर्दछन भने बाबु हुनेले बाबुलाई मिठो खानेकुराहरु खुवाई वा भोजन गराउने गर्दछन् ।

गोकर्णमा मेला लाग्ने भएकाले आजको औँसीलाई गोकर्ण औँसी पनि भनिन्छ । पशुपतिनाथमा श्रीयन्त्र र गोकर्णेश्वरमा बालयन्त्रको पूजा आराधना हुने भएकाले पशुपतिनाथको दर्शन गर्नेले गोकर्णेश्वर महादेवको पनि दर्शन गर्नुपर्ने मान्यता रहिआएको छ ।

आजैका दिन हिन्दू धर्मावलम्बीले वर्षभरि घरमा धार्मिक कार्यका लागि आवश्यक कुश भित्र्याइ कुशे औँसी पर्व मनाउँछन् । कुशलाई भगवान् विष्णुको स्वरुप मानिन्छ ।

तस्वीरहरु: प्रदीपकुमार श्रेष्ठ (फोटो पत्रकार)