अखबार नेपाल ट्रेन्डिङ

काठमाडौं: कतार फिफा विश्वकप २०२२ अन्तरगत आज समूह ‘ईं’ को विजेता जापानले समूह ‘एफ’ को उपविजेता क्रोएसियासँग खेल्दैछ ।

यी दुईबीचको खेल अल जानौव रंगशालामा नेपाली समय अनुसार राति ८:४५ बजेपछि हुनेछ । विश्व च्याम्पियन स्पेन र जर्मनीलाई हराएर समूह विजेता बन्दै जापान क्रोएसियाविरुद्ध पनि सोही नतिजा निकाल्दै क्वाटरफाइनलमा पुग्न चाहन्छ ।

यता, विश्व उपविजेता क्रोएसिया पनि जापानमाथि आँफु अनुकुल नतिजा निकाल्दै क्वाटरफाइनल पुग्ने लक्ष्यमा हुनेछ । अनुभवी खेलाडीको बाहुल्यता रहेको क्रोएसिया त्यही अनुभवलाई प्रयोग गर्दै जापानलाई हराएर क्वाटरफाइनलमा पुग्न चाहन्छ ।

अर्को खेलमा समूह ‘जी’ को विजेता ब्राजिलले समूह ‘एच’ को उपविजेता दक्षिण कोरियासँग खेल्दैछ । यी दुई बीचको खेल राति १२:४५ बजेपछि हुनेछ ।

सर्वियासँगको पहिलो खेलमै स्टार फरवार्ड नेयमारलाई गुमाएको ब्राजिलले अन्य तीन खेलाडीलाई समूह चरणको खेलको अन्त्यसँगै अन्य दुई खेलाडीलाई गुमाइसकेको ब्राजिल लयमा रहेको दक्षिण कोरियालाई पाराजित गरेर अघि बढ्न चहान्छ ।

यता, दक्षिण कोरियाले ब्राजिलविरुद्ध स्तब्धपूर्ण नतिजा निकालेर क्वाटरफाइनलमा पुग्न चाहन्छ । हालसम्म नेदरल्यान्ड्स, अर्जेन्टिना, फ्रान्स र इंग्ल्यान्डले क्वाटरफाइनलमा स्थान पक्का गरिसकेका छन् ।