चुनावी अभियानको क्रममा रवि लामिछानेको टोलीमाथि कुटपिट र गाडी तोडफोड
वि.सं.२०७९ कात्तिक २७ आइतवार १६:४२
चितवन: राष्ट्रिय स्वतन्त्र पार्टीबाट चितवन-२ मा प्रतिनिधि सभा सदस्यको उम्मेदवार रहेका रवि लामिछानेका कार्यकर्ताहरुमाथि आक्रमण भएको छ ।
कुरिनटारबाट नारायणगढतर्फ अघि बढेको टोलीमाथि फिस्लिङतर्फ गइरहेको चुनावी र्यालीबाट आक्रमण भएको हो ।
रवि लामिछानेको पछाडि रहेको अर्को गाडीमा ढुंगामुढा प्रहार गर्दा गाडी क्षतिग्रस्त भएको र एक जना कार्यकर्ता घाइते भएको उक्त पार्टीले जनाएको छ ।
घटना लगत्तै उम्मेदवार लामिछानेले आक्रमणकारीलाई प्रहरीले सुरक्षा दिएर लगेको र त्यसपछि पनि ती व्यक्ति चुनावी र्यालीमा रहेको बताए । रविले आक्रमणलाई आफूमाथिको आक्रमणका रूपमा लिएको भन्दै सत्ताको आडमा अपराध भएको आरोप लगाए ।
वि.सं.२०७९ कात्तिक २७ आइतवार १६:४२