अखबार नेपाल ट्रेन्डिङ

काठमाडौं: न्यूनतम पारिश्रमिक निर्धारण समितिका नवनियुक्त अध्यक्ष संगीता खड्काले श्रमजीवि पत्रकारहरुको हकहितका लागि आफू सधै लागिरहेने बताएकी छिन् ।

कार्यालयमा अध्यक्ष पदको पदबहाली गर्दै उलेले सो कुरा बताएकी हुन ।  लामो समयदेखि पत्रकारिता क्षेत्रमै क्रियाशील खड्कालाई मन्त्रीपरिषदको बैठकले चैत्र १७ गते समितिको अध्यक्षमा नियुक्त गरेको हो ।

अध्यक्ष नियुक्त भएपछि पदबहाली गर्दै खड्काले आफू लामो समयदेखि पत्रकारिता क्षेत्रमै रहेर काम गर्दै आएकाले श्रमजीवी पत्रकारहरुको समस्यालाई नजिकबाट नियालेको र ती समस्या समाधानका लागि आफू कटिबद्ध रहेको बताईन ।

उनले संचारजगतमा देखिएको विभिन्न खालको समस्याहरुलाई निराकरण गर्नका लागि यस समति लागिपर्ने पनि बताईन ।

अध्यक्षमा नियुक्त खड्काले यसअघि नेपाल पत्रकार महासंघको सचिव तथा प्रेस काउन्सिल नेपालको बोर्ड सदस्य भएर काम गरिसकेकी छिन् ।