अखबार नेपाल ट्रेन्डिङ

काठमाडौं: सहिद स्मारक ‘ए’ डिभिजन लिग फुटबल अन्तर्गत त्रिपुरेश्वरस्थित दशरथ रंगशालामा आजबाट आठौं चरणका खेलहरु सुरु हुँदैछ ।

लिगको आठौं चरण अन्तर्गत आज दुई खेलहरु हुनेछन् ।

पहिलो खेलमा संकटा क्लब र सातदोबाटो युथ क्लबबीच प्रतिस्पर्धा हुनेछ ।

यी दुईबीचको खेल दिउँसो १ बजे सुरु हुनेछ ।

संकटाले ७ खेलमा १३ अंक जोडेर लिगको तेस्रो स्थानमा छ ।

सातदोबाटो ८ अंक जोडेर आठौं स्थानमा छ ।

यस्तै दोस्रो खेलमा विभागीय टिम एपीएफ क्लब र जावलाखेल युथ क्लबबीच प्रतिस्पर्धा हुनेछ ।

एपीएफ र जावलाखेलबीचको खेल ४:४५ बजे सुरु हुनेछ ।

एपीएफ ६ अंक जोडेर दशौँ स्थानमा रहेको छ ।

जावलाखेल ७ अंक जोडेर नवौं स्थानमा रहेको छ ।