अखबार नेपाल ट्रेन्डिङ

काठमाडौं: सर्वोच्च अदालत परिसरमा प्रहरी र वकिलबीच झडप हुँदा नेपाल बार एशोसिएसनका अध्यक्ष चण्डेश्वर श्रेष्ठसहित १२ जना घाइते भएको छन् ।

सर्वोच्च अदालत परिसरमा प्रदर्शनमा उत्रिएका वकिलहरुमाथि प्रहरीले बल प्रयोग गरेको छ । बल प्रयोगबाट घाइते भएका बार अध्यक्ष श्रेष्ठलाई अस्पताल लैजाँदै गरेको प्रदर्शनस्थलमा माइकिङ गरेर वकिलहरुले जानकारी दिएका छन् ।

धकेलाधकेल हुँदा सर्वोच्च बारका सचिव ऋषिराम घिमिरे, बरिष्ठ अधिवक्ता सविता भण्डारीलगायत भुइँमा लडेका थिए । उनीहरुमाथि प्रहरीले हातपात गरेको वकिलहरुको भनाइ छ ।

शान्तिपूर्ण प्रदर्शनमा दमन गरेको भन्दै वकिलहरुले प्रधानन्यायाधीश जबरा र प्रहरी प्रशासनविरुद्ध नाराबाजी गरेका छन् ।