अखबार नेपाल ट्रेन्डिङ

काठमाडौं: निर्वाचन आयोगले कार्यकारिणी समितिका सदस्यहरुको सनाखत गरी जनता समाजवादी पार्टी (जसपा)को आधिकारिकता उपेन्द्र यादव पक्षले पाएको छ ।

सोमबार सनाखतका क्रममा ५१ जना कार्यकारिणी सदस्यमध्ये ३४ जनाले यादव पक्षमा हस्ताक्षर गरेका थिए ।

यस्तै, १६ जनाले अर्का अध्यक्ष महन्थ ठाकुर पक्षमा हस्ताक्षर गरेका थिए भने १ जना (रेशम चौधरी) तठस्थ बसेका थिए ।

यसैबीच जसपाको आधिकारिता यादव पक्षले पाएपछि निर्वाचन आयोगले जसपाको ठाकुर पक्षलाई अर्को दल गठन गर्न आदेश दिएको छ ।

आयोगका प्रवक्ता राजकुमार श्रेष्ठले भने,‘उहाँहरु (महन्थ पक्ष)ले अर्को दल दर्ता गर्न इजलासले आदेश दिएको छ ।’