अखबार नेपाल ट्रेन्डिङ

काठमाडौं: आज प्रधानमन्त्री केपी शर्मा ओलीले नवनिर्मित २२ तले धराहराको उद्घाटन गर्दैछन् ।

महाभूकम्प गएको छैठौं वर्ष पुगेको दिन प्रधानमन्त्री ओलीले नयाँ धरहरा उद्घाटन गर्न लागेका हुन् ।

२०७२ वैशाख १२ गतेको महाभूकम्पले भत्काएको ठुटे धरहरा यथावत् राखेर नजिकै अर्को धरहरा बनाइएको हो ।

यसअघिको धरहरा ९ तले थियो भने अहिले २२ तलाको बनाइएको छ ।

धरहरा निर्माण पूरा भएपनि त्यस क्षेत्रमा अन्य संरचना निर्माण जारी रहेको राष्ट्रिय पुनर्निर्माण प्राधिकरणले जनाएको छ ।

उद्घाटन आज गरिए पनि तत्काल अवलोकन गर्न भने नपाइने प्राधिकरणले जनाएको छ ।

आउँदो मंसिरसम्म सबै काम सकेपछि मात्रै सबैका लागि धरहरा खुला गर्ने तयारी छ ।

कोरोना संक्रमणको जोखिम भएकाले उद्घाटनमा उपस्थिति निकै कम हुनेछ ।

आज १५औँ लोकतन्त्र दिवस, देशभर विभिन्न कार्यक्रमको आयोजना गरि मनाईदै
जारी त्रिकोणात्मक टी–ट्वान्टी क्रिकेट सिरिजको उपाधिका लागि आज नेपाल र नेदरल्यान्ड्स भिड्दै
फ्रेन्चाइज फुटबल प्रतियोगिता नेपाल सुपर लिग (एनएसएल) आजबाट, काठमाडौं र ललितपुर खेल्दै