अखबार नेपाल ट्रेन्डिङ

एजेन्सी: बार्सिलोनाले एथ्लेटिक बिल्बाओलाई ४-० गोल अन्तरले पराजित गर्दै स्पेनिस कोपा डेल रे फुटबलको उपाधि जितेको छ ।

बार्सिलोनालाई जित दिलाउन लियोनल मेस्सीले दुई गोल गरे ।

यस्तै एन्टोनियो ग्रीजम्यान र फ्रेन्की डी जोङले एक-एक गोल गरे ।

पहिलो हाफ गोलरहित बराबरीमा सकिएको खेलको दोस्रो हाफको १२ मिनेटभित्र चार गोल गर्दै बार्सिलोनाले उपाधि जितेको हो ।

खेलको ६० औं मिनेटमा ग्रीजम्यानले गोल गर्दै बार्सिलोनालाई अग्रता दिलाएका थिए ।

खेलको ६३ औं मिनेटमा जोङले गोल गर्दा बार्सिलोनाको अग्रता २-० को बन्यो ।

६८ औं मिनेटमा मेस्सीले गोल गरेपछि बार्सिलोना ३-० ले अघि रह्यो ।

त्यसपछि खेलको ७२औं मिनेटमा मेस्सीले व्यक्तिगत दोस्रो गोल गर्दै बार्सिलोनालाई ४-० को जित दिलाए ।

यससँगै बार्सिलोनाले कीर्तिमानी ३१औं पटक कोपा डेल रे को उपाधि जितेको छ ।