अखबार नेपाल ट्रेन्डिङ

काठमाडौं:  यस वर्षको तिहारमा छिमेकी मुलुक भारतबाट फूल आयात नहुने भएको छ । बजारमा सयपत्री फूलको मागमा कमी र स्वदेशी उत्पादन राम्रो रहेकाले आयातित फूलको आवश्यक नहुने भएको हो ।

यस वर्ष काठमाडौं उपत्यकाका तीन जिल्लासहित तराईका केही जिल्लामा फूलको राम्रो उत्पादन भएको छ । गत वर्ष तिहारमा २५ लाख सयपत्री माला खपत खपत हुँदा तीन लाख माला भारतबाट ल्याइएको थियो । यस वर्ष बजारमा १५ लाख मात्र मालाको मागअनुरूप उत्पादन भएकाले आयातित फूलको आवश्यक नहुने बताइएको छ ।

विश्वभरि फैलिएको कोरोना भाइरसका कारण फूलले बजार नपाए पनि तिहारमा स्वदेशी उत्पादनले धान्ने र स्थानीय फूल सहित सबै फूल तिहारका लागि प्रयोग हुनेछ । व्यवसायीले यस वर्षको पात्रो हेरेर व्यावसायिक रूपमा फूल रोपेको हुनाले उत्पादन राम्रो रहेको फ्लोरीकल्चर एशोसिएशनले जनाएको छ ।