अखबार नेपाल ट्रेन्डिङ

काठमाडौं: नेपाल टेलिकमले एसईई परीक्षाको नतिजा प्रकाशन भएसंगै एसईईका विद्यार्थीहरुका लागि विद्यार्थी अफर प्याक सहितको सिम निःशुल्क उपलब्ध गराउने भएको छ ।

टेलिकमले कुनै विद्यार्थीसँग पहिलेदेखि नै नेपाल टेलिकमको सिम भए त्यही सिममा अफर उपलब्ध गराउने र नया सिम देशभरका काउन्टरहरुबाट उपलब्ध गराउने व्यवस्था गरेको छ । नयाँ सिम लिनका लागि विद्यार्थीहरुले एसईई प्रवेश–पत्रको फोटोकपी, एकप्रति फोटो र आफ्नो वा अभिभावकको नागरिकता वा अरु परिचय पत्रको फोटोकपी संलग्न गरी फाराम भर्नु पर्नेछ ।

नयाँ सिम लिइसकेपछि अफरहरु प्राप्त गर्नका लागि नयाँ मोबाइल नम्बरबाट (*१६००#) मा डायल गरी प्राप्त निर्देशन बमोजिम सिम्बोल नम्बर र जन्म मिति (विक्रम सम्वत) उल्लेख गर्नुपर्दछ । नयाँ सिमकार्डबाट स्टुडेन्ट रजिष्ट्रेसन प्याक योजना अन्तर्गत नेपाल टेलिकमको नेटवर्कभित्र दैनिक १० मिनेट कुराकानी र ५ वटा एसएमएस गर्न तथा १०० एमबी डाटा प्रयोग गर्न सकिने गरी मासिक ३ हजार एमबी डाटा, ३५० मिनेट टकटाइम र १५० वटा एसएमएसको सुविधा प्राप्त हुनेछ ।