अखबार नेपाल ट्रेन्डिङ

काठमाडौं: गायन रियालिटी सो ‘द भ्वाइस अफ नेपाल सिजन-४’ मा रामेछापका महेश कुमार सुनुवारले ब्लाइन्ड अडिसन पार गरेका छन् ।

भ्वाईस अफ नेपालको ८औं भागमा महेशले कोच राजु लामाको हल्ला चलेछ बोलको गाना गाउँदै कोच राजुको टिममा पर्न सफल भएका छन् ।

गत बैशाखदेखि सुरु भएको डिजिटल अडिसनबाट ‘द भ्वाइस अफ नेपाल सिजन-४’ मा २० हजार जनाले आवेदन दिएका मध्येबाट डेढ सय जनालाई ब्लाइन्ड अडिसनमा छनोट गरिने छ ।

डेढ सय जनाबाट पनि ६४ जना प्रतिस्पर्धी छानिनेछन् । भ्वाईस अफ नेपालको ८औं भागसम्म आईपुग्दा टीम राजु लामाले १३ प्रतिभा पाएका छन् भने टीम प्रोमोद खरेलले १३ तथा कोच राजेश पायल राईले १२ र टीम प्रविशा अधिकारले १३ प्रतिभा पाईसकेका छन् ।

यो गायन रियालिटी सो हिमालय टेलिभिजनबाट प्रसारण हुनेछ ।