ईङ्गल्याण्ड र अष्ट्रेलियाबीचको एकदिवसीय सिरिजको अन्तिम तथा निर्णायक खेल आज


एजेन्सी: ईङ्गल्याण्ड र अष्ट्रेलियाबीच तीन खेलको एकदिवसिय सिरिज अन्तर्गतको अन्तिम तथा निर्णायक एकदिवसीय खेल आज हुँदैछ ।

म्यानचेस्टरमा हुने अन्तिम एकदिवसीय नेपाली समय अनुसार साँझ ५:४५ बजे सुरु हुनेछ ।

ईङ्गल्याण्ड र अष्ट्रेलियाबीच तीन खेलको एकदिवसीय श्रृंखला अहिले १–१ बराबरीमा छ । यदि आजको खेल अष्ट्रलेलीयाले जितेमा ईङ्गल्याण्डलाई उसैको घरमा पाँच पर्षपछि हराउन सफल बन्नेछ ।

पहिलो खेलमा अष्ट्रेलियाले १९ रनको जित निकालेको थियो । तर, दोस्रो खेलमा इंग्ल्यान्डले २४ रनको जित निकालेको थियो । जसको कारण तीन खेलको सिरिज १-१ को बराबरीमा रहेको छ । अन्तिम खेल जित्नेले सिरिज आफ्नो बनाउने छन् ।

विश्व विजेता इंग्ल्यान्डले सन् २०१५ पछि घरेलु मैदानमा एकदिवसीय सिरिज गुमाएको छैन । इंग्ल्यान्डले अष्ट्रेलियाविरुद्धको टी-ट्वान्टी सिरिज समेत २-१ ले जितिसकेको छ ।

यता, अष्ट्रेलिया बलियो टिमविरुद्ध सम्हालिएर खेल्नेछ । किनकि टी-ट्वान्टी सिरिज गुमाएको अष्ट्रेलिया एकदिवसीय सिरिज आफ्नो बनाउने योजनामा रहेको छ ।



Leave a Reply

Your email address will not be published. Required fields are marked *


%d bloggers like this: