विश्वकपका लागि दक्षिण अमेरिकी छनौट खेलहरु अक्टोबरबाट शुरु हुने


एजेन्सी: सन् २०२२ मा हुने कतार विश्वकपका लागि दक्षिण अमेरिकी छनौट खेलहरु अक्टोबरबाट शुरु हुने दक्षिण अमेरिकी फुटबल महासंघ (कोन्मेबोल)ले जनाएको छ ।

मंगलबार विश्व फुटबल महासंघ फिफा अध्यक्ष जियानी ईन्फान्टिनो सम्मिलित भिडियो कन्फरेन्स्मा कोन्माबोलका पदाधिकारीहरुले दक्षिण ओरिकी छनौट कुनै पनि हालतमा आगामी महिनाबाट शुरु गर्ने बताए ।

ईन्फान्टिनोसँगको भिडियो कन्फरेन्समा दक्षिण अमेरिकी फुटबल महासंघ ले छनौटका पहिलो चरणका खेलहरु अक्टोबर ८ देखि १३ भित्र गर्ने जनाएको थियो । ईन्फान्टिनोले छनौटको प्रक्रियामा सबै राष्ट्रहरुलाई समान प्रस्ताव राखेर मात्र छनौट शुरु गर्न सुझाएका थिए ।

दक्षिण अमेरिकी छनौट चरणका खेलहरु यसअघि मार्चमा तय भएपनि विश्वब्यापी कोरोना महामारीका कारण स्थगित भएको थियो ।

छनौछ चरणका खेलहरुको आयोजना गर्न कोन्मेबोलले सबै सदस्य राष्ट्रहरुलाई सुरक्षा रणनितिको गाईडलाईन दिसकेको जनाएको छ ।



Leave a Reply

Your email address will not be published. Required fields are marked *


%d bloggers like this: