अफगानिस्तानमा बम विष्फोट हुँदा पाँच जना सैनिकको मृत्यु


एजेन्सीः अफगानिस्तानको पश्चिमी बागदिस प्रान्तमा बम विष्फोट हुँदा पाँच जना अफगान सेनाको मृत्यु भएको छ ।

प्राप्त समाचार अनुसार उक्त जिल्लाको एक राजमार्गमा लुकाई छिपाई राखिएको बम सेनाको सवारीमा नजिक पुगेपछि विस्फोट भएको थियो । त्यस विस्फोटमा परी सुरक्षा गस्तीमा हिँडेको अफगान सेनाको सवारीमा रहेका पाँच सैनिकको ज्यान गएको र त्यसमा रहेका अरु केही घाइते भएको समाचारमा जनाइएको छ ।

सोही स्थानमा केही दिन अघि मात्र सडकमा नै यसैगरी राखिएको बम विस्फोट हुँदा चार जना सर्वसाधारणको ज्यान गएको बताइएको थियो । सर्वसाधारणलाई नै लक्षित गरेर त्यहाँ बम राखिएको बताइएको छ ।

तालिबानहरुले यसअघि पनि सर्वसाधारणलाई लक्षित गरेर सडक किनारमा बम राख्ने गरेकोले यो बम पनि उनीहरुले नै राखेको अनुमान गरिएको छ । यद्यपि यस विषयमा तालिबानका तर्फबाट भने कुनै प्रतिक्रिया आएको छैन ।



Leave a Reply

Your email address will not be published. Required fields are marked *


%d bloggers like this: