निजी प्रयोगशालाको परीक्षण रिपोर्ट मान्य हुने


काठमाडौं: बीमा समितिले सरकारी अस्पतालहरुको मात्रै परीक्षण रिपोर्ट मान्य हुने व्यवस्था रहेकोमा मापदण्ड संशोधन गरि निजी प्रयोगशालाको परीक्षण रिपोर्ट पनि मान्य हुने व्यवस्था गरेको छ ।

बीमा समितिले सोमबारदेखि लागू हुने भन्दै बिमा कम्पनीहरूलाई यसबारे निर्देशन जारी गरेको छ । नयाँ व्यवस्था अनुसार अब स्वास्थ्य मन्त्रालयबाट अनुमति पाएका निजी अस्पतालका प्रयोगशालाका रिपोर्टका आधारमा बिमा कम्पनीहरूले कोरोना बिमाको दाबी भुक्तानी दिनुपर्नेछ ।

‘स्वास्थ्य तथा जनसंख्या मन्त्रालयबाट कोभिड–१९ परीक्षण गर्न सूचीकृत भएका सरकारी तथा निजी अस्पताल वा प्रयोगशालाबाट पीसीआर परीक्षण गर्दा कोभिड–१९ रोग संक्रमण देखिएको सक्कल रिपोर्ट पेस गर्नुपर्नेछ,’ परिमार्जित मापदण्डमा भनिएको छ ।

बिमकलाई दाबी भुक्तानीमा शंका लागे बिमकको आफ्नै खर्चमा स्वीकृति प्राप्त अस्पताल वा प्रयोगशालामा परीक्षण गराउन पाउने व्यवस्था पनि मापदण्डमा छ । परिमार्जित मापदण्डमा व्यक्तिगत बिमालेख खारेज गरी सामूहिक बिमालेख जारी गर्नुपर्ने र यो बिमा ३ महिनाको बच्चादेखि ९९ वर्ष उमेर समूहका व्यक्तिका लागि गर्न सकिनेछ ।

 



Leave a Reply

Your email address will not be published. Required fields are marked *


%d bloggers like this: