प्रधानमन्त्री केपी शर्मा ओलीद्वारा जितिया पर्व घरमै मनाउन आग्रह


काठमाडौं: प्रधानमन्त्री केपी शर्मा ओलीले मैथिली र थारु महिलाहरुले मनाउने जितिया पर्व कोरोना भाइरसको महामारीको कारण घरमै बसेर सुरक्षित रहँदै मनाउन आग्रह गर्नु भएको छ ।

प्रधानमन्त्री ओलीले नेपाल बहुजातीय, बहुभाषिक, बहुधार्मिक र बहुसांस्कृतिक विविधताका बीचमा सुदृढ एकता भएको देश भएको उल्लेख गर्दै यी पर्वहरुले हामीलाई परस्पर एकता, सहिष्णुता, सद्भाव र सुदृढ एकतामा आवद्ध गरेको बताउनु भयो ।

ओलीले प्रचलित पर्वहरुका विविधता हाम्रा बहुमूल्य पूँजी भएको र सहिष्णुता र सुदृढ एकता सहितको विविधतायुक्त यस पूँजीलाई देश निर्माणमा सदुपयोग गर्नुपर्ने स्पष्ट पार्नु भएको छ ।

आफ्नो परिवारका सदस्यहरुको सुस्वास्थ्य र दीर्घायुको कामना गर्दै महिलाहरुले ब्रत बसी मनाइने यस पर्वले परस्परमा सद्भाव र प्रेमको सन्देश प्रवाह गर्ने शुभकामना सन्देशमा उल्लेख छ।



Leave a Reply

Your email address will not be published. Required fields are marked *


%d bloggers like this: