उपत्यकामा दशैंसम्म निषेधाज्ञा गर्नुपर्छ: ललितपुर सीडीओ नारायणप्रसाद भट्ट


काठमाडौं: ललितपुर प्रमुख जिल्ला अधिकारी नारायणप्रसाद भट्टले उपत्यकामा दशैंसम्म निषेधाज्ञा जारी राख्नुपर्ने बताएका छन् ।

काठमाडौं उपत्यकाका तीन जिल्लाका प्रमुख जिल्ला अधिकारीहरुले भदौ ४ गतेबाट जारी गरेको निषेधाज्ञा भदौ २४ गते सकिनेछ ।

प्रतिनिधिसभाको शिक्षा समिति अन्तर्गतको उपसमितिमा आइतबार भएको बैठकमा प्रजिअ भट्टले केही सहजीकरण गरेर निषेधाज्ञा दशैंसम्म राख्नुपर्ने धारणा राखेका छन् ।

ललितपुरमा कोरोना संक्रमितहरुको आइसोलेनस तथा क्वारेन्टिनको समस्या नभएको प्रजिअ भट्टले बताए ।

कोरोना संक्रमणबाट मृत्यु भएकाहरुको शव व्यवस्थापनमा भने समस्या आउन सक्ने उनले अनुमान गरे ।



Leave a Reply

Your email address will not be published. Required fields are marked *


%d bloggers like this: