गत २४ घण्टामा राजधानीमा थप ४४ जना कोरोना संक्रमित


काठमाडौँ: काठमाडौँ उपत्यकामा ४४ जना सहित देशभर ३ सय ३८ जना कोरोना संक्रमित पुष्टि भएको छ ।

सोमबार काठमाडौँमा ३६ जना र ललितपुर तथा भक्तपुरमा ४ – ४ जनामा नयाँ संक्रमण देखिएको स्वास्थ्य तथा जनसंख्या मन्त्रालयले जनाएको छ ।

राष्ट्रिय जनस्वास्थ्य प्रयोगशाला टेकुमा गरिएको पीसीआर परीक्षणमा काठमाडौँका १२ जना र ललितपुरका एक जनामा संक्रमण देखिएको हो ।

यस्तै टेकु अस्पताल प्रयोगशालामा काठमाडौँका ६ जनामा नेपाल प्रहरी अस्पतालमा काठमाडौँमा ८ जना, ललितपुर र भक्तपुरका एक एक जनामा संक्रमण देखिएको छ ।

स्टार अस्पताल सानेपा प्रयोगशालामा काठमाडौँका ८ जना, ललितपुरका २ जना र भक्तपुरका ३ जनामा कोरोना संक्रमण देखिएको छ ।

यस्तै वीध प्रयोगशाला र ह्याम्स अस्पताल प्रयोगशालामा थप एक एक जनामा कोरोना संक्रमण देखिएको छ ।

नेपालमा पछिल्लो चौविस घण्टामा ३ सय ३८ जनामा कोरोना संक्रमण देखिएको छ । यसैगरी सोही अवधीमा १ सय ४० जना कोरोना संक्रमण मुक्त भई डिस्चार्ज भएको मन्त्रालयले जनाएको छ ।

 

 



Leave a Reply

Your email address will not be published. Required fields are marked *


%d bloggers like this: